रंग होळीचे
रंग होळीचे
वेदीमधे होलिकेच्या
दुष्ट दुर्गुणांना जाळू
काम क्रोध मद लोभ
मत्सराला दूर करु (१)
जुन्या रुढी परंपरा
नको नवीन काळात
दान करु गरजूंना
पुण्य जोडू अंतरात (२)
पानगळ जमा करु
देऊ होळीत टाकूनी
मनातील द्वेष सूड
दूर करु होळीतूनी (३)
सदा सत्संग असावा
नित्य सदाचार व्हावा
नको असूया मत्सर
भाव एकीचाच हवा (४)
मन सुंदर आरसा
सदगुण प्रतिबिंब
स्वच्छ ठेवूनी तयास
जीवनात यशानंद (५)