लाइब्रेरी
प्रोफाइल
रहस्यमयी कोडे
रहस्यमयी कोडे
1 min
306
गुंतले धाग्यात धागे
आयुष्य सुटले मागेच मागे
माती उडवत्या वाऱ्यासंगे
हवा मळक्या रंगात रंगे....!
नभात जेव्हा घन दाटे
नेत्रीचा सागर धास्तीने आटे
रोपट्यास फुलाच्या काटेच काटे
का इंद्रधनुही रंगहीन वाटे....!
शांतता एक भ्रमच हा रे
हृदयी भुकंपाचे असंख्य हादरे
मस्तिष्कातले वादळवारे
स्वहस्ते विध्वंसित स्वतःचे निवारे....!
कथानक कथेचा लिहुनी खोडे
तुटलेल्या तारा सोडण्यास जोडे
थोडे स्थिर पण अस्थिर थोडे
मन हे माझे रहस्यमयी कोडे....!
