राष्ट्रपिता

अहिंसेचा जो पुजारी

भारताचा पुत्र खरा

डंका गाजवी त्रिखंडी

नमन करी जोडी करा  १

मोहनदास पुर्वीचे

करि सत्याचे प्रयोग

ब्रिटिशांविरुद्ध त्यांनी

फुंकले जे रणशिंग    २

असहकार असो वा

असो स्वदेशीचा नारा

बापुंसारखा प्रखर

देश भक्त न दुसरा    ३

नेमस्त विचार धारा

चालविली तुम्ही खास

नेहरू पटेलासवे

रोखले शत्रुचे श्वास    ४

आयुष्य भर आपण

धरिली सत्याची कास

महात्मा नाव घेताना

होतो ईश्वराचा भास    ५