राजभाषा मराठी
राजभाषा मराठी
मायमराठी भाषा तुझ्यापुढे मी नतमस्तक आहे
तुझे भव्य दालन पाहून मी भारावून गेलो आहे
मायभूमी आणि मायभाषा हे नातेच आहे अतूट
मायमराठी राजभाषा होण्यास व्हारे एकजूट
संतांचा तू आधार आहे, महापुरूषांची गाथा आहे
जनसामान्यांची माता तू, त्यांची ललाट रेषा आहे
तुझ्याच शब्दांनी क्रांतिवीर इथे भाग्यवीर ठरले
तुझ्याच अस्तित्वासाठी त्यांचे बलिदान इथे झाले
भाग्य तुझे किती थोर आहे, तू सातासमुद्रापार आहे
जगभरातील परभाषियाना आपलेसे तू केले आहे
त्यांच्यात आनंद देण्याची तू किमया किती केली
तुझ्या शब्दांच्या गाण्यांनी महाराष्ट्रभुमी पावन झाली
शब्दकोष तू विश्वकोष तू सृजनशीलता जननी आहे
जगातली तू एकमेव तू संशोधनाचा इतिहास आहे
तुझे गीत गाताना रक्त सळसळते कायम शाहिरांचे
तुझ्या शब्दांच्या लेखणीने, प्रबोधन होते महाराष्ट्राचे
तुझे शब्द म्हणजे जगातली धारधार तलवार आहे
तुझ्या शब्दांने घाव घालणारी रणरागिनी आहे
तुझ्याच अस्तित्वाने घडले इथे महान किर्तीवंत
ज्ञानपीठाची माय तू व्यासपीठ तुझे बालमनात