लाइब्रेरी
प्रोफाइल
पुन्हा वाजू वाजू लागली शाळेची घंटा....
पुन्हा वाजू वाजू लागली शाळेची घंटा....
1 min
224
पुन्हा वाजू लागली शाळेची घंटा
मिटला आता घरात होणारा
आम्हा भावंडांचा तंटा
आधी नको वाटायची जी शाळा
आता लॉकडाउन मध्ये
खूप आठवला तो काळा फळा
आई तशी रोज-रोज नवीन पदार्थ करून
खाऊ घालतच होती;
पण खरी गोडी मात्र मित्रांच्या घोळक्यात
डब्बा खाण्यात होती.
सुरवातीला online शाळा भारी वाटली
नंतर-नंतर मात्र वर्गातल्या बेंच ची
आठवण येऊ लागली.
Online शाळेची घंटा काही वाजेना
अन अभ्यास आमचा काही केल्या
उरकेना
पुन्हा वाजू लागली शाळेची घंटा
आई म्हणाली होईल आता माझी
सुटका निदान काही घटका
पुन्हा वाजू लागली शाळेची घंटा
आम्ही पण झालो आनंदी पुन्हा
भेटू सर्व मित्र कित्येक दिवसांनी एकत्र
पुन्हा वाजू लागली शाळेची घंटा टॅन...टॅन...टॅन
नाही आली उत्तर नीट देता
तर बाई देतील छडी छन..छन...छन.
