हाहाकार

हाहाकार पावसाचा

खूप खूप जोरावला

नायनाट सगळ्यांचा

करूनच स्थिरावला

पोरंबाळं,गुरंढोरं

कासावीस सारी झाली

डोक्यावर छत नाही

झाला विध्वंस ती भ्याली

पावसाच्या पाण्यासंग

होतं नव्हतं वाहिलं

पण माणसाचं धैर्य

त्याच्या सोबत राहिलं

मदतीचे हात खूप

आले होते सोबतीला

काडी काडी जुळवून

उभारले घरट्याला

निसर्ग हा कोपला 

हाल हाल झाले सारे

ऐक रे वरूणराजा

नको प्रकोप दावू रे