भलतेच वेड...

भोवतालीचे जग

हे सारे थांबले

तुझ्या भेटीचे मज

बघ भलतेच वेड लागले

गाभुळलेल्या चिंचेपरी

भासे तू मला रे

नुसत्या विचराने ही

तनास येई शहारे

सुखद या भावना

अनुभवते मी

तुझ्या भासात

जाई मोहरूनी मी

किती सावरू मी

माझ्या ह्या मना

झाले कधीच फितूर हे

नयन पाहुनी तुला

या जीवघेण्या ओढीस

काय मी म्हणावे

उमजेना मलाच वाटे

तू फक्त जवळी रहावे

नजरेस ही भास होई

तुझाच अवती-भवती

आता आरसा पण

तुझेच प्रतिबिंब दाखवी