प्रवाह

मी परत येइन सर्वांकडे एकच आहे सांगणे 

जरी पडलो एकटा विसरेन कसे मी जगणे

आता काहीसे जरी वाटते मला एकटे 

व्हावे सारे पुन्हा एकदा पूर्वीसारखे नेटके 

मनातली अशांती काहीशी स्थिरावली आहे 

नियतीने मात्र माझी माणसं हिरावली आहेत 

आता पुन्हा नवा प्रवास वाट बघतो आहे 

आठवणींना उजाळा देत मी जगतो आहे 

विस्कटलेली घडी आता बसवायची आहे 

जुनी विन पुन्हा एकदा उसवायची आहे 

मित्रांनो परत हसायला शिकायचं आहे 

पूर्वी सारख आनंदी नव्यान दिसायच आहे 

सुरू केलाय प्रवास थांबा शोधायचा आहे

जीवनाच्या प्रवाहात पुन्हा पोहायच आहे