प्रियकर सजला
प्रियकर सजला
तुझ्या ओठांवर विरलेला प्रश्न आज कळला
मजवर निश्चल मृगनयनांनी कटाक्ष जेव्हा टाकला
ओंजळीत आज पाऊसही भिजला
तुझ्या प्रेमाच्या रंगात हा प्रियकर सजला
कळता प्रश्न मला तुझ्या गाली गुलाब हसला
तुझं रूप निहारण्या तो क्षणही तिथेच थांबला
तुझं पाहता तो चंद्रही मंदावला
तुझ्या रुपेरी तेजात हा प्रियकर सजला
तुझ्या मोकळ्या केसात मोगरा गंधाळला
डोळ्यातली ओढ पाहून तो क्षणही मधाळला
झुकलेल्या पापण्या पाहून जीव भारावला
तुझ्या श्वासात आज हा प्रियकर सजला