प्रेमकविता

पाहिले तुजला प्रिये

रूजले मनात गाणे

प्रीतीच्या हिंदोळ्यावर

गातेस अलवार तराणे

मिटूनि घेतलेस सखी

डोळ्यांत अश्रुंचे मोती 

तुला पाहताच प्रिये मी

विसरलो नाती गोती

रुप यौवन राणी तुझे 

आलेय कसे गं भराला

मिटल्या पापण्यांतूनी

गीत उमटलेय सुराला

एकटक पहात बसता

लाजूनि झुकली मान

सखे तव साजशृंगाराने 

गाठलीय पहा कमान

रमलो तव मिलनात

टिपले लावण्य नेत्रांनी

मेघ ओथंबले हळुवार

साहिली तुझ्या गात्रांनी