प्रेम

प्रेम म्हणजे

विश्वासाचा आधार

अपेक्षांचं ओझं

त्यात अजिबात नाही

जगतात कर्तव्याचा घेवून भार

ती असतात निव्वळ नाती

प्रेम म्हणजे

निस्वार्थ झोकून देणं

देण्याघेण्याचा हिशोब

त्यात मुळीच नाही

मांडावी लागतात गणितं

जुळवून घेण्यासाठी

ती असतात केवळ बंधनं

प्रेम म्हणजे

दोन अर्धे मिळून एक

तुझं नि माझं असा

वेगळेपणाचा भाव त्यात नाही

मनात जिवंत राहून

मरणही बेहत्तर

मरत मरत प्रेमाविन

जगणं मात्र अर्थहीन