पोवाडा-छत्रपती शिवाजी महाराज
पोवाडा-छत्रपती शिवाजी महाराज
धन्य,धन्य युगपुरुषाला
शिवाजी राजांना,क्रांती सूर्याला
वंदूनी त्यांच्या शुभ चरणाला
महान संघर्ष योद्ध्याला जी जी जी
19फेब्रुवारी 1630सालाला
भोसले घराण्याला
मोठेपण शिवनेरी किल्ल्याला
भाग्य लाभले महाराष्ट्राला जी जी जी
वीरपुत्र जिजामातेला
पिता शहाजी राजाला
आनंद झाला मातृपितृ नात्याला
वंशाचा दिवा आला जन्माला जी जी जी
दोदोजी कोंडदेव मार्गदर्शनाला
लढाईचे शिक्षण शिवाजी राजाला
सह्याद्रीचा कडा बोलू लागला
खेळायला मावळे संगतीला जी जी जी
महाराष्ट्र त्रस्त झाला
विजापुरच्या आदिलशाहीला
अहमदनगरच्या निजामशाहीला
भयानक मुघलशाहीला जी जी जी
मुघलशाहीचा बिमोड करण्याला
महाराजांनी विडा उचलला
हुशार मावळे घेतले संगतीला
बाजीप्रभू,तानाजी विश्वासू सरदार जोडीला जी जी जी
मुघलांचा सुळसुळाट झाला
पिकांची नासाडी करू लागला
अमानुष अत्याचार वाढला
माता,भगिनीवर सूड उगवला जी जी जी
महाराजांचा राग अनावर झाला
16व्या वर्षी सुरुवात लढाईला
किल्ल्यामागून किल्ले जिंकण्याला
संपविले मुघलशाहीला जी जी जी
अफजल खानाचा वध केला
पळ्वून लावले शाहिस्तेखानाला
सिद्धी जौहर,मिर्झा जयसिंगाला
धडा कायमचा शिकविला जी जी जी
तोरणा किल्ला,प्रतापगड,रायगडाला
सिंधुदुर्ग,जलदुर्ग बांधण्याला
किल्ल्यांचे संरक्षण महाराष्ट्राला
अभिमान ऐतिहासिक वास्तूला जी जी जी
1674 सालाला राज्याभिषेक झाला
सर्वधर्म न्यायप्रिय राजा मिळाला
बहुजनांचा राजा महाराष्ट्राला
हिंदवी स्वराज्य स्थापनेला जी जी जी
3 एप्रिल 1680 सालाला
महाराजांचा मृत्यू झाला
गरीबांचा कैवारी हरपला
दुर्जनांचा सहांरक गेला जी जी जी