पण....पण....पण

वजन कमी करण्याचा

मी *पण* केला मनात

विचार कँलरिजचा 

खमंग वास घरात (१)

नाश्ता दूध फ्लेक्स

थोडी साखर चालते

चिमूट बोर्नव्हिटाची

रंग लज्जत आणते   (२)  

कोरोनानंतर पार्टी

चक्क वाडेश्वरमधे

मनोमनी मांडे खात

गेले मी *पण* हाँटेलमधे (३)

छान छान फर्मायशी

अप्पे गरम गरम

*पण* आडवा पथ्याने

वासानेच झाले नरम    (४)

"मनीषा ताव मार"

तू *पण* खा मनसोक्त 

पथ्य आता विसर गं

होऊन जाऊ दे यथेच्छ   (५)

हो नाही करता करता

*पण* सरला मागुती

इच्छाभोजन झाले

हसतखेळत संगती     (६)