पंढरीची वारी

पंढरीच्या विठुराया 

तुजला साद घालती

पालखी सोहळा कधी

भक्त सारे विचारती ||१|| 

तुळस घेतली शिरी 

हाती असे जपमाळ 

भेदभाव नसे येथे 

उजळुणी दिपमाळ ||२|| 

रिंगणाच्या आनंदाचा

कसे वर्णवु शब्दात 

धावा असे विठ्ठलाचा

भक्तिभावे आनंदात ||३|| 

संतांच्या या महतीने 

येई नित्य भक्तीपूर 

विठुरायाच्या दर्शना

सारे होती हो आतूर ||४|| 

धन्य असा तू विठ्ठला

होती भक्तांचे दर्शन 

तुझ्या वारीने घडते

विठुरायाचे दर्शन ||५||