पंढरीची वारी

चला चला, वारीस जाऊ

    वैष्णवांच्या संगे राहू

   रखुमाईचे दर्शन घेउ

  विठ्ठल डोळा भरुनी पाहू

             डोईवर ,घेऊनी तुळशी

             मनी आस ,विठू दर्शनाची

              विठू नाम वसे सदा ओठी

              पाउले चालती ,वाट पंढरीची.

    ज्ञानोबा-तुकाचा होतसे गजर

    रिंगण वारकरी मधेच करत

    खेळ फुगडीचा, धरुनीया फेर

    भजन कीर्तनी रंगूनी जात

              काही भक्त , होऊनी दातार

              सोय निवा-याची करण्यात धुंद

               सुखकर वारी घडविण्या भक्तांना

               वारीस जाण्याचा मिळविती आनंद

     वारीत होतो दुःखाचा विसर

    मी-तू पणाचा, दिसे अभाव

    विठ्ठल नामात, सारेची दंग

     सर्वत्र भासे , समतेचा भाव      

                       जो तो दुस-यात विठ्ठल पाही

                        वारीची अशी, मजाच आगळी

                        सर्व दुनियेत ,अनोखी  अशी           

                         पंढरीची वारी जगा वेगळी