लाइब्रेरी
प्रोफाइल
पंढरीची वारी
पंढरीची वारी
1 min
451
आली पंढरीची वारी
कुणा भाग्यवंता घरी
टाळ मृदंगाचा ताल
पुढे नाचे विणेकरी
भाळी अष्टगंध टीळा
शुभ्र वस्त्र अंगावरी
बुक्का अबीर गुलाल
उधळतो वारकरी
"ज्ञानदेव तुकाराम"
चाले नामघोष मुखी
संसाराच्या चक्रातून
याच दिवसात सुखी
पाय चालती चालती
चित्ती दर्शनाची आस
भूक, तहान, हरली
'विठू भेट' हाच ध्यास
कुठे रिंगण सोहळा
कुठे नाम संकीर्तन
वर्ष भर चित्ता मध्ये
चाले वारीचे चिंतन
कुणी प्रार्थना करती
सेवा देवाची घडावी
देवा, पंढरीची वारी
माझ्या दारावर यावी
