पितृमहिमा

दिसत असतात कणखर वरून 

हळवे असते पित्याचे मन 

परिस्थितीला सामोरे जातात ते न भिता 

अश्रूंनाही बांध घालतो तो एक पिता 

दुःखात भिजवितो फक्त डोळयांच्या कडा 

सत्य परिस्थिती बघता त्याचा जीव होतो वेडा 

पित्याची भूमिका खरेच खूप आहे अवघड 

मन मोकळे करतायेत नाही त्याला धड 

जीवनसंघर्ष करता करता संपून जातो सुखाचा काळ 

सुखाची प्रार्थना देवाजवळ करतो आयुष्यमान होऊ दे माझा बाळ 

एकच सांगणे करा आदर पित्याचा, धरा

त्याचे पाय खरे तर आई आहे मायेचा झरा

गवसतो जीवनाचा आनंद पित्यामधे खरा