पिता

शब्द कठोर ज्याचे ,

भावनेत गोडवा होता .

चेहऱ्यावर रागांचे फवारे ,

मनात अनुराग होता .

दिले मुक्त विचारांचे दालन, 

अनुशासनात ठेवत होता. 

सदा बोले उंच स्वराने,

मायेचा झरा पाझरत होता.

भरलेला खिसा दाखवी सदा, 

कैकदा तो रिकामा होता .

विसरुनी सारी स्वतःची स्वप्ने, 

लेकरांची स्वप्ने गुंफीत होता. 

संतान सुखात आनंद मानला ज्याने ,

कितीदा तरी डगमगला होता. 

हास्य सदा फुलविले ज्याने ,

सर्वांचा लाडका होता.

ईश्वराआधी स्थान ज्याचे 

तो केवळ पिताच होता.....