फक्त तुझंच नाव का?

गर्भवती मी राहिले

कितीतरी सोशिल्या मी कळा,

संपूर्ण जमीन माझीच

मग सांग ना तुझा कसा मळा...

वावरात बियाणं घालून

तू बिनधास्त झालास

दिवसरात्र मशागत मी केली

भाव तू कसा देणार मालास...

पीक लहान होतं त्याला

गुरा ढोरापासून वाचविलं,

धान सुकून जावू नये म्हणून

पाणी छातीचं पाजविलं...

तुला नाही चिंता

शेताची ना धानाची,

तू रांगडा पुरुष

भूक तुला यौवनाची...

पीक काढणीच्या येळंस

नांगर घुसला माझ्या छातीत,

टरटर फाडीत गेला

तेव्हा सोनं तुझ्या मुठीत...