पैशाच्या तराजूत

नकॊ तोलू प्रेम माझं 

पैशाच्या तराजूत सखे 

नाही इथे राहत सदा 

सतत आणि शाबूत सखे || 0 ||

आज आहे उद्या नाही 

प्रत्येक गोष्ट अशीच इथे 

कल्पनेतही दृष्टी आपली 

जाणार नाही कधी तिथे 

वेळ आणि काळ नाही 

कोणाच्याही काबूत सखे 

नाही इथे राहत सदा 

सतत आणि शाबूत सखे || 1 ||

प्रेमाचीही या जगी 

एक्स्पायरी डेट असते

मनासारखी येणारी 

प्रचिती लेट असते 

चिरकाल इथे नाही काही 

सर्वच अनाहूत सखे 

नाही इथे राहत सदा 

सतत आणि शाबूत सखे || 2 ||