पैसा

पैशासाठी धडपड सारी

कधी न पाहती मागे वा पुढती

कसे ही करूनी *पैसा* मिळवती

दाम तर करी काम या जगती

जात्याच माणूस पैशाचा गुलाम

पैशामागे धावे सारी ही दुनिया

दाम तर मिळवी लाख सलाम

पहा ही सर्वत्र पैशाची किमया

असुनही जरी गुणवत्ता कमी

दाम देताच येई कामास गती

होतकरू सदाच मागे रहाती

काय करणार हुशारांची मती.

दाम असते सदा काम करत

नियम सारेच बाजूस सारून

कामे होती सहजतेने सरळ

देऊन पैका टेबलाच्या खालून

संस्कृतीची खर तर शिकवण

जरा आठवावी वचने -संतांची

पैशापायी विसरले सारे जण

दामानेच फिरते बुध्दी जनांची.