गुलाबी थंडी
गुलाबी थंडी
शरदाच्या चांदण्यात
वेध गुलाबी थंडीचे
थंड गारवा तो सांगे
दिन आले शेकोटीचे
शहारती तृणपाती
दव थेंब चमकती
भासे मोतियांच्या माळा
पुष्प लता बहरती
वेध लागता थंडीचे
ऐकू येतो तो मारवा
प्रेमी युगलांंना वाटे
सदा हवा हा गारवा
दिन येताची थंडीचे
तरारेल भाजी पाला
मस्त सेवन करुया
गुणकारी आरोग्याला
करी आठवण थंडी
शोधा कपडे गरम
थंडी दूर सारण्यात
नको प्रकृती नरम
ऋतू प्रीतीचा लोभस
निसर्गाची ती करणी
दिसतील धनधान्ये
केल्या कष्टाची भरणी