कुठलाही हंगाम पानगळ
कुठलाही हंगाम पानगळ
येते ऐकू एका वेळी
सळसळ ही पानांची
सुरु होता पानगळ
शोभा जाते त्या वृक्षाची
होता पाने ती पिवळी
जागा करी हिरव्यास
नियमच तो सृष्टीचा
होत नाहीत उदास
घेत गिरक्या पडते
पान पिवळे भु -वरी
मिसळूनी मातीतूनी
खतासाठी काम करी
सहा ऋतूंचे सोहळे
अपूर्वाई निसर्गाची
वर्षा दावी हिरवाई
सृष्टीवर तारुण्याची..
शरदात पानगळ
निस्तेजता वृक्षावरी
पाचोळ्याचा पसा-याने
पीत रंग भुभीवरी
येतो वसंत डौलाने
संपतेच मरगळ
बहरती वृक्ष पुन्हा
विसरुनी पानगळ