पायवाट प्रेमाची
पायवाट प्रेमाची
पायवाट प्रेमाची सखे दारी तुझ्या थांबते
चाहूल तुझी लागता चोरून पहा सांगते
नसते मनी उगाच तरीही वाट वाकडी चालते
प्रेमाचा हा खेळ आगळा मनाला अलवार तोलते
ओबडधोबड वाटेवरती लागते कितीदा ठेच
तरीही वेंधळी वाट म्हणते प्रेमाचे काटे वेच
कशाला हवा अट्टाहास नकोच प्रेमाचा गुलकंद
ठेच लागता चमकून उठती काजव्यांचे छंद
भीती उगाच लावून घ्यावी कशाला प्रेमाची ?
का आणावी वेळ स्वतःवर अवघडून जगण्याची