पावसाचे रौद्र रूप
पावसाचे रौद्र रूप
1 min
321
असहाय्य मन भिते
पावसाच्या या रूपाला
टाळसी कसे मानवा
निसर्गाच्या या कोपाला ||१||
भर दुपारी आला तो
सारं गेलं अंधारून
झोपडीतून पाहिले
गेलो थोडा हादरून ||२||
कोसळण्यावर त्याने
खरंच केलीया मात
मनी उठले काहूर
कसा तू करशी घात ||३||
नाही थांबला अजून
पावसाचा असा जोर
धरणे भरल्या भीती
लागला जीवाला घोर ||४||
महापुराची ही चित्रे
डोळ्यांपुढे सरकली
प्रलयाच्या जाणिवेने
उरी धडकी भरली ||५||
मन माझं सांगतय
हे ही संकट टळेल
जिवंत आहोत आम्ही
उद्या सकाळी कळेल ||६||