लाइब्रेरी
प्रोफाइल
पाऊस पहिला
पाऊस पहिला
1 min
481
चिंब मनाचा गाभारा
चिंब हळव्या मनाला
आपसुक येतो कधी
दाटे पाऊस पहिला
आसुसली वेडी धरा
अंकुराच्या सृजनाला
उष्मा किती आत दाटे
यावा पाऊस पहिला
वाटा अशा नटलेल्या
साज आगळा सजला
ओथंबून माळलेला
सखा पाऊस पहिला
राधा चिंब पावसात
साद घालते कृष्णाला
प्रेमवेडी झेलते हा
देही पाऊस पहिला
पर्ण सारीच नाचती
निसर्ग हा आनंदला
गर्द झाल्या वनराई
येता पाऊस पहिला
