Library
Profile
पाऊस आणि कविता
पाऊस आणि कविता
1 min
247
येता पावसाळा ऋतु
खाऊ साखरेची गोळी
चिंब होऊनी गाऊया
पावसाच्या काव्य ओळी ||१||
मेघ गर्जे क्षणोक्षणी
मुक्त बरसल्या सरी
वीज सदा लखलखे
आली धावत भूवरी ||२||
इंद्रधनू लपंडाव
ऋतू पावसाळा फुले
कृष्णमेघ बरसता
मेघ आनंदाने डुले ||३||
गुंजारव भ्रमराचा
पाखरांचा घुमे नाद
शीळ घालतो पवन
निसर्गाशी घाली साद ||४||
तृप्त झाली आज पृथ्वी
जशी नवरी नटली
शालू हिरवा नेसून
धरा अंबरा भेटली ||५||
