पाहिले जेव्हा मी तुला...

    वाऱ्याने भुरभरणारे सोनेरी केस

    सारीत होतीस गालावरून बाजूला

    तेव्हा हरवून गेलो मी माझा मला

    होते पाहिले जेव्हा मी तुला

    

वेडा चंद्रही आभाळातला

    पाहुनी सौंदर्याला तुझ्या पाठीमागे लागला

    भाळुनी तुझ्या अशा सौंदर्याला वेड लागले मला

    होते पाहिले जेव्हा मी तुला

   

हसऱ्या चांदण्यांनीही शरदातल्या

   भुलून पाडला सडा तुझ्या स्वागताला

   गोड हसण्यावर तुझ्या प्रेम झालं मला

   होते पाहिले जेव्हा मी तुला

   

तुझ्या सौंदर्याच्या प्रत्येक अदेला

  आवडेल शब्दांमध्ये कैद करायला

   रेखाटायला शब्दांमध्ये शब्द अपुरे पडतात मला

   होते पाहिले जेव्हा मी तुला