आठवण "त्या" पावसाची..!
आठवण "त्या" पावसाची..!
चिंब ओल्या सरी,
पडल्या अंगावरी;
न्हाऊन गेलो त्यात,
आठवून कोणा तरी।
सरीचा एक एक थेंब
सोबत भिजलेली एक एक आठवण;
हृदयात कोरून ठेवलीय,
तुझ्या प्रेमळ स्पर्शाची साठवण।
बेधुंद आठवणीत,
पडत्या पावसाच्या सरीत;
गुरफटून गेलोय,
आसवांच्या नदीत।
तीच संध्या,
तीच तारीख,
आणि तोच महिना;
कितीही भासवून घेतले स्वतःला,
तरीही तुझी साथ - तुझा सहवास जाणवेणा।
आयुष्यात-भविष्यात,
येतील असे क्षण वेळोवेळी;
सोबत असेल जीवनसाथी कोणी,
पण तुझ्या विना दिसेल
फाटकीच माझी झोळी..।।