ओहोटी

हे पाणी असं खूप 

आत आत गेल्यावर

कुणालातरी काही खुणा दिसल्या 

तेव्हाची गोष्ट.

वाळूवर कोरलेली त्या दोघांची नावं,

त्या शिंपल्यांसारखीच रंगीबेरंगी स्वप्नं,

लाटांची गाणी,

त्याने तिच्या ओठांवरून टिपलेला 

मावळतीच्या सूर्याचा 

गुलाबी केशरी रंग,

आणि 

विरुद्ध दिशेने जाणाऱ्या 

त्या दोघांच्या पावलांचे ठसे सुद्धा.

हे पाणी असं खूप 

आत आत गेल्यावर

कितीतरी जखमा उघड्या पडल्या होत्या 

तेव्हाची गोष्ट.