नववर्ष

गतवर्षी च्या आठवणींचा मोह,

आता सोडायला हवा

नव वर्षाच्या आरंभी आता,

नव्याने आयुष्याचा आरंभ करायला हवा

आयुष्याच्या नव्या पानांवर,

नवनव्या कल्पकतेचा मनोरा रेखाटायला हवा

नव्या रंगांचा कुंचला फिरवून,

आनंदाचा इंद्रधनू फुलवायला हवा

यश शिखरापर्यंत पोहचण्यासाठी,

स्वप्नांच्या प्रवासाचा वेग हा वाढवायला हवा

नकारात्मक विचारांचा तो मळभ, 

मनावरून दूर काढायला हवा

नव वर्षाच्या आरंभी आता, 

नव्याने आरंभ करायला हवा

आयुष्याला ही हेवा वाटेल, 

फक्त प्रत्येक क्षण मनाजोगे जगता यायला हवा