निवडणूक...!
निवडणूक...!
करावा अभंग।धरावा की संग।
होऊनिया दंग।एकदाच।।
आचार विचार।करून साचार।
हाच शिष्टाचार।पाळूया की।।
येतील अनेक। राखून विवेक।
निवडुया एक।चांगलाच।।
नको लाचलूच।नको भ्रष्टाचार।
करू सुविचार।मनामध्ये।।
देशाचा विचार।करूया आपण।
राहूदे कृपण। बाजूलाच।।
आपला हा देश।आहेच महान।
असू जरी सान। राखू मान।।
देश मजबूत। एकदाच करू।
सत्याचा हा धरू। मार्ग आता।।
गेले दिन गेले। अडाणी पणाचे।
मोल हे घामाचे । घेऊयाकी।।
राबून खाऊया।मजेत राहूया।
चांगले पाहूया।दिनरात।।
चला मग आता।कम्बर कसूया।
मत हे देऊया।जाणत्यास।।
लोकशाही आता।मजबूत करू।
शिरावर धरू।भार सारा।।
देश हा आपला। उज्वल उन्नत।
आणि किर्तीवन्त।करूया की।।
देश प्रेम मनी।अपार आहेच।
जाणतो हे मीच।अंतरात।।
फक्त जाग येणे।आहे महत्वाचे।
नकोच फुकाचे। आता काही।।
आहोत जाणते। आम्ही मतदार।
योग्य खाजदार। निवडू की।।
नाहीच गरीब। मी हा मतदार।
हा मताधिकार। आपणास।।
मौल्यवान मत। लाखाच्या मोलाचे।
निवडू तोलाचे। खाजदार।।
अमूल्य मतदान न चुकता करा..!