निसर्ग किमया

निसर्ग करी , अदभुत किमया

मानवास न कळे , तयाची छाया (१)

 चक्रीवादळाने , उसळे सागर

शहरे बुडती , हानीचा कहर (२)

सोसाट्याचा वारा , वर्षा अवकाळी

पिके कापणीला , वाहूनीच गेली (२)

कधी संकट , येई अवर्षणाचे

थके , कृषीवल , पाणी लोचनाते (३)

विषाणू रोगाचा , पसरे जनांत

हतबल मनू , अडके घरात (४)

जीवघेणा रोग , भयाण कोरोना

उधळे संसार , कुणा आवरेना (५)

यंत्रविज्ञानाने , प्रगती लाभली

गर्व मानवा , त्रिभुवने जिंकली (६)

निसर्ग दावी , अस्त्र ठेवणीतले

श्रेष्ठत्व कसे , किमयेने दावले (७)

निसर्ग किमया , मनू उमजला

श्रेष्ठत्व जाणी , शरणागती आला (८)