लाइब्रेरी
प्रोफाइल
निनावी वादळ
निनावी वादळ
1 min
309
वेगवेगळ्या नावांनी सजलेलं तरीसुद्धा ते
वादळ निनावीच
वर्तमानाच्या मुखपृष्ठावरचं उमेद भरणारं
कधी वसंताची पालवी घेऊन येणारं तर
कधी आभाळाला सोबत घेऊन येणारं
त्या वादळाला
ना घर ना दार
ना सुरूवात ना शेवट
कधी टेकडीवरच्या पाऊल वाटेनं येणार
तर कधी समुद्राच्या लाटांबरोबर येऊन
परसदारातल्या चाफ्याजवळ विसावणारं
स्वाभिमान वेशीवर टांगून येणारं
एखाद्या स्वार्थी हतबल माणसासारखं
रांगत रांगत जगणारं
जगत जगत माणसांच्या काळजात शिरणारं
संवेदना जीवंत ठेवायला लावणारं एक
माणसाळलेलं वादळ
येणाऱ्या बेहिशोबी अश्रूचे
हिशोब मागणारं वादळ
मौनातच मौनाशीच संवाद साधणारं
एक निनावी वादळ
