नातं भाऊ - बहिणीचं

प्रेम असतं ह्रदयातून,

बंधन असतं अनोखी प्रेमाचं,

नातं फुलत असतं पवित्र क्षणांतून,

तेच असतं नातं भाऊ - बहिणीचं.

कधी हसू तर कधी रूसवा,

जिथं बंधन नसतं कोणत्या गोष्टींचं,

करमत नाही थोडाजरी असला दुरावा,

अतुलनीय असं नातं भाऊ - बहिणीचं.

बहिण बांधते प्रेमाचं प्रतीक राखी,

भाऊ पार पाडतो कर्तव्य रक्षणाचं,

बहिणही बनतो संकटकाळी भावाची सखी,

जिव्हाळ्याचं असं नातं भाऊ - बहिणीचं.

त्यांचं प्रेम जणू निर्मळ झराच सतत पाझर,

नात्यामध्ये दडपण नसतं कशाचं,

खरंच, त्यांच्या नात्याला नाही कशाची सर,

तेच असतं पवित्र नातं भाऊ - बहिणीचं."