नारी शक्ती

किती ही वर्णावी। नारीची महिमा। 

करे न ती तमा। कशाचीच। 

होता ताराबाई। मुघलांशी लढे। 

गड तोच चढे । ताकदीने ।।

सावित्री, रमाई । झटल्या सतत। 

यातना पेलत । समाजात।। 

देतसे सर्वाना। हक्काचे शिक्षण। 

करे त्या रक्षण। पिडीतांचे।। 

 हिरकणी तीच । उतरली कडा

 सोसूनही पिडा। मुलासाठी।।

घोड्यावर स्वार ।झाशीची राणी 

पाजविले पाणी। इंग्रजांना।।

राणी येसूबाई । जरी कारागृही। 

झुकली ती नाही। मुघलांना ।।

सत्याग्रहात तो। त्यांचा सहभाग। 

ज्वलंत ती आग। घोषणेत।। 

कित्येकच थोर। नारीचे या कृत्य । 

केलेले हे नित्य । आनंदाने ।।