Library
Profile
मृदुगंध पावसात
मृदुगंध पावसात
प्रेम तुझे रे फुला, कसे ओसंडून वाहाते !
असे प्रेम पाहून माझे,अंतरंग भारावते !!
मोगरा तू,निशिगंध तू,तूच चाफा छान !!
रूप सौंदर्य पाहून तुझे,हरवून जाते भान !!
गुंफले कसे कळेना मज,आपले रेशमी नाते !
पहिल्या मृदुगंध पावसात,प्रीत दवबिंदूचे शिंपण होते !!
गंध तुझा ,मधूरस तुझा,किती आवडे मला !
तुझ्या मधे विलीन झाले,केव्हा कळेल तुला !!
कासावीस झाले तुझ्या भेटीची,वाट मी पाहाते !
ओढ लागली तुझीच ,नयन अंथरून वाटेत ऊभी राहाते !!
प्रेम आपले अबाधित, अशीच सदैव राहू दे !
जन्मोजन्मीची प्रीत आपली स्वप्नं, पुरे होऊ दे !!
पाऊस पहिल्या प्रेमाचा,मन ओलेचिंब भिजते !
आठवता प्रेम तुझे हे ,अंतरंगात भारावते !!
पाऊस पहिल्या प्रेमाचा ,मिलनाचा आनंद घेऊ !
ये ना सख्या जवळी असा ,पाऊस सरीत विलीन होऊ !!
जाऊ नकोस तू दूर , असा लोटून मजला !
आयुष्यातील सुखद क्षण हे, जीवनभर स्मरू आजला !!
