मराठ्यांची गौरवगाथा

तलवार उसळे, भाले आले l

यवन कापत सरसर गेले ll

वंदन माझे शौर्याला त्या l

वीर मराठ्यांना पहिले *llधृll*

       सुपुत धरेचे, रक्त सांडले l

      विर विरश्री रणात लढले ll

      स्वत्वासाठी प्रसंगी पडले l

      दूत गणिमांस यमाचे झाले *ll1ll*

प्रतीक फडफडे, भगवा झेंडा l

बघा रामराज्य हो आले ll

नांगर फिरूनी स्वातंत्र्याचा l

स्वप्न स्वराज्य मनी पेरले *ll2ll*

        समर गाजविले धर्मरक्षणा l

       चमकली समशेरींची पाती ll

      शिवराय राजा,मल्हारी युगांचा l

       बघा थबकला दिल्लीपती *ll3ll*

शेरास सव्वाशेर, राजे संभाजी l

तलवार जणू भवानीची दुजी ll

असुरांस रौद्रशंभु, दिनांस दयापती l

पाहुनीच भ्याली, म्लेंछ सुलतानी छाती *ll4ll*

          पालथे जन्मले पण l

        घातली मोगलाई पालथी ll

     शस्रास्र पारंगत, निष्णांत राजनीती l

विर शोभे राजाराम, मराठ्यांचे छत्रपती *ll5ll*

रणचंडी झाली कृद्ध l

हरपली औरंग्याची शुद्ध ll

उभी समोरी मुघलमर्दीनी l

विरांगना रणीं ताराराणी *ll6ll*

           नरपती हो विर सेनानी l

         भयभीत दिल्ली दिनवाणी ll

         सीमा पल्याड नर्मदा तापी l

       जयतु प्रधान, बाजीराव प्रतापी *ll7ll*

यमुना प्रांत टापांखाली l

विर होळकर स्वाभिमानी ll

सुभेदार श्री मल्हारराव l

उभी इंदुरास राजधानी *ll8ll*

          शस्रासमवे शास्र सोबती l

         अहो विख्यात ती राजनीती ll

        अहिल्यादेवी थोर प्रशासनी l

      शोभे मराठ्यांची महाराणी *ll9ll*

तख्त दिल्लीवरी फडके भगवा l

किमया महादजींची सारी ll

पानिपतहीं लढले मराठे l

अब्दालीची गुर्मीच गेली न्यारी *ll10ll*

        गनिमी कावा शस्त्र अनोखे l

       दिधली सह्याद्रीनं भेट असे ll

         महादेव हर हर बोला l

     स्वराज्य मराठी काळजात वसे *ll11ll*