मोगऱ्याचा गजरा

शरीर आपले थकले 

मन मात्र तरुण आहे 

प्रेम या मनात अजून

 भरभरून आहे 

संसाराचा हाकता गाडा

दोघांसाठी जगलोच नाही 

तू मला अन् मी तुला कित्येक

दिवस डोळे भरून पहिलेच नाही

आता जगू प्रत्येक क्षण 

फक्त आपल्या दोघांसाठी 

कर्तव्य जबाबदाऱ्या संपल्या

आता जगू फक्त प्रेमासाठी

हरवलेला एक एक क्षण 

आणू पुन्हा गवसून 

मी आणेल मोगऱ्याचा गजरा

तू बस खोटे खोटे रुसून

आयुष्याच्या संध्याकाळी

जाऊ आठवणीत पुन्हा रमून

शेवटच्या श्वासापर्यंत

आता घेऊ नव्याने जागून