मंदिराचा बाबरीचा....

मंदिराचा बाबरीचा प्रश्न मोठा वाटतो 

की, भुकेचा भाकरीचा प्रश्न मोठा वाटतो ?

कोरडा दुष्काळ पाणी प्यायला आणू कसे ?

या रिकाम्या घागरीचा प्रश्न मोठा वाटतो

रोज पोशिंदा जगाचा का उपाशी झोपतो

हाच घामाच्या सरीचा प्रश्न मोठा वाटतो

जीव घेते रोजदारी वाटते येथे कुणा

तर कुणाला नोकरीचा प्रश्न मोठा वाटतो

राधिका मीरा तुझी की सत्यभामा रुख्मिणी ?

सावळ्याच्या बासरीचा प्रश्न मोठा वाटतो

गाठली उंची कड्याने एवढी कोणामुळे

खोल जाणार्‍या दरीचा प्रश्न मोठा वाटतो