मनातील भावतरंग

 मन चंचलतेचे रूप

 उधाण वाऱ्यासम भरकटते

 ते फुलपाखरू होऊन

 स्वच्छंदीपणे भिरभिरते ।।

 मन भावनिक गुंतागुंत

 असंख्य भावतरंगी लाटा

 मन कल्पनांचे भांडार

 जीवनातील स्वप्नमय वाटा ।।

मनात खोल विचारांची घुसमट

जणू उधाणलेला सागर

मनातील मळभ दूर करूनी

करा,नितळ सुंदर निर्झर ।।

 मन, उधाणलेला वारा

 दुःख अन् नैराश्येचा भारा

 गहन प्रश्नांचा होई उद्रेक

 या मनास लाभेल का,किनारा ।।

 ईश्वराच्या नित्य नामस्मरणात

 मन आनंदी झोपाळ्यावर झुले

 होऊनी चिंतामुक्त जीव हा

 अंतर्मुख होऊनी,अंतरंगात डोले ।।