मनाच्या कोपर्‍यास सापडलास

एका वळणावरती तु हसलास ,

मनाच्या कोपऱ्यास सापडलास ,

आतुर झाल्या झाकोळून गेल्या दिशा,

असा तु अंतरंगात उतरलास ...

व्यापुन टाकले जग माझे ,

विश्वच माझे हरवलेस ,

उसंत ना मला कशाची,

मी तुझे , तु माझे नाव जपलेस ...

चालतांना सवे मग ,

असे का? ठेचाळलेस ,

उरल्या विरहाच्या विवंचना ,

सांजेचे दुःख सागरा तु ना वेचलेस ...

अशी आली ओहोटी मनाला,

तु दुर उभा पाहून हसलास ,

आज पुन्हा झाकाळून आल्या मनाच्या दिशा,

तु मनाच्या कोपऱ्यास सापडलास...