लाइब्रेरी
प्रोफाइल
मज राहवले नाही
मज राहवले नाही
1 min
251
आक्रोशाच्या रुदनानी
मृत्यू तांडव पाहूनी
हंबरडे आवेगानी
मज राहवले नाही
काय अपराध त्यांचा
बळी रोगाने घेतला
सारी कुटुंबे उध्वस्त
मम जीव थरारला
दुःख ठाकले पुढ्यात
सीमा गाठली रुदनी
शांत करावे तयांसी
इच्छा उसळे मन्मनी
आवरुनी शोकावेगा
दिले पाणी प्रेमभरे
थोपटुनी आयाबाया
दुःख बळेच आवरे
शोकावर्त होई शांत
परि जेवण घेईना
मन आठवणीतळी
बुडे कल्लोळात पुन्हा
असे कसे कोरोनाने
क्रूरपणे संहारले
केले होत्याचे नव्हते
नच स्वप्नीही कल्पिले
