मी पाऊस तिचा

तुला नजरेंत साठवून घ्यावं

अलगद मग मनात खोलवर उतरवाव

तुझ्या थेंबात मी तिलाच पहावं

गंध तिचा ,श्वासात भरून ठेवावं

तू आलास की ती ही बघ मोहरते

चिंब चिंब ती भिजलेली,माझ्यात उब शोधते

येतो आहेस तू तर,हळूवार बरसत ये

तुझ्या सोबत सखीला माझ्या बहरु दे

सरी नी तुझ्या दोघांना भिजवाव

मिठीत माझ्या तिने मग अलगद शिरावं

मी पाऊस बनून तिचा,

तिला चिंब चिंब भिजवावं

उमटावी मग कागदावर कविता

शब्दा शब्दात सखे तुझंच रूप दिसावं

समाप्त