मी नवयुवक भारताचा

गौरवशाली महान देश

घडविण्यास सज्ज झालो, 

मी नवयुवक भारताचा

प्रगतीसाठी पुढे सरसावलो . १

निःस्वार्थ मनोभावनेने 

करू या सेवा देशाची,

श्रमदान देऊन आज

धुरा सांभाळू या विकासाची. २ 

ध्यास घेऊन शिक्षणाचा 

चारित्र्य घडवू या आपला ,

क्रांतिकारी यशस्वी योजनेने 

विश्वविजयाचा मान देऊ देशाला. ३

या भारत मातेच्या सेवेस 

करेन अर्पण वेळ शक्ती, 

प्रबळ इच्छाशक्तीने माझ्या 

ध्येय गाठून दाखवेन देशभक्ती. ४

बलवान निरोगी सशक्त मनाने, 

धैर्याने, शौर्याने जाईन पुढे, 

सुज्ञ नागरिक बनून आज 

नेईन भारतास जगापुढे. ५