महाराष्ट्र माझा

हा महाराष्ट्र माझा

शिरपेचात तुराच साजा

परस्त्रीस माता समजा

शिवबा इथला राजा

आमचा मराठी बाणा

धर्म, पंथ, एक जाणा

वीरांच्या शौर्याच्या इथे

उमटल्या पाऊलखुणा

हा महाराष्ट्र गडांचा

निनाद इथे चौघडांचा

शाहिरांच्या पोवड्यांचा

अन् लावणीच्या फडांचा

हे राष्ट्र शिवबांचे

माझ्या थोर जिजाऊंचे

धर्मासाठी प्राणांची बाजी दिली

अशा थोर शंभूराजांचे

माझा महाराष्ट्र थोर

इथे जन्मले क्रांतीवीर

घालविण्या इथला तिमिर

नाही केली जीवाची फिकीर