महापूर

संकटांची ही मालिका

कधी होणार रे दूर

विधात्या कशाला पुन्हा

धाडलास महापूर

थांबता थांबेचना हा

कृष्णामाईचा रे क्रोध

अजूनही घेत आहोत

पोराबाळांचा रे शोध

होत्याचं नव्हतं झालं

सगळंच गेलं वाहून

तू ही रडला असशील

माझी दुर्दशा पाहून

आधीच या कोरोनाने

नातलग झाले पारखे

या महापुरात जगतोय

बेघर आश्रीतासारखे

अजूनही आहेस तू

गेलास दाखला देऊन

वाचविण्या बुडत्याला

आला देवदूत होऊन