लाइब्रेरी
प्रोफाइल
श्रावणमास
श्रावणमास
1 min
189
रम्य या श्रावणमासी
हिरवळ दाटे चोहिकडे
स्वर्गाच्या या अवनीवरती
मोतीयांचे पडती सडे
वसुंधरा ही नटली माझी
खळखळ करती शुभ्र झरे
हिरवाईचा शालू नेसून
नववधू्च ही अवनी स्मरे
ढगांचा हा मांडव सजला
हरिततृनाच्या माखमालीवर
सुंदर फुलांची नक्षी साजे
या वसुंधरेच्या शालीवर
इंद्रधनुचे तोरण बांधले
अंबराच्या या दाराला
फुलांचाही गोफ विणला
सुगंध आला आत्तराला
वरुणराजाची स्वारी आली
लगबग झाली अवनीची
खग है गाती मंगलगाणी
वेळ झाली पाठवणीची
चंद्राच्या या रथात बसून
निघाली अवनी सासरला
दिल्या घरी तू सुखी रहा
विसर आता ग माहेरला
