लाइब्रेरी
प्रोफाइल
माणुसकीचे वृक्ष
माणुसकीचे वृक्ष
1 min
313
माणुसकीचे वृक्ष दिसती
जागोजागी उभे ठाकलेले
करिती सेवा दिनरात मग
स्व चिंता मागे टाकलेले
कधी पोलीस कधी डॉक्टर
कधी मदतीचा हात बनूनी
माणुसकीचे वृक्षच ते दिसे
सदा माणुसकीला बहरवूनी
माणुसकीची परिभाषा
माणसातच रूजलेली
त्याच्या कर्तव्य परायणात
संकटात दिसे बुजलेली
माणुसकीच्या वृक्षाची
फळे गोड,निर्मळ भासती
इतरांसाठीच्या समाधानाने
संकटातही मग ती हासती
माणुसकी वृक्षाची सावली
अखंड जगती पसरलेली
सुखवीत जगाला माणुसकीची
पत न दिसे कधी घसरलेली
