माणुसकी..
माणुसकी..
दिल्या घेतल्याचे जग हे सारे
येथे पैश्याविना एकमेंका कोणी न विचारे...
पैसा असेपर्यंत सर्वत्र आपली गरज भासे
निसटला पैसा हातातूनी तेव्हा मात्र स्वतःची
सावलीच केवळ सोबत दिसे...
जन्माला एकटेच आलो
मरताना ही एकटेच जाणार
हे विधिलिखित निश्चित आहे
मग का ? या जीवाची धडपड त्या
पैश्याच्या मागे धावे ...
जीवनाचा प्रवास पैश्यासोबत नाही तर
आपुलकीच्या माणसांसोबत चालायचा आहे
त्यासाठी धनाला न जपता
माणसाच्या मनाला जपा
इतरांना जेव्हा तुमच्या साथीची गरज असेल
तेव्हा धर्म,जात, पंथाचे धागे तोडून टाका
अन् माणुसकीच्या एकाच धाग्याला घट्ट धरून
माणूस बनून माणसाच्या हाकेला धावा....